يطلع يصرح زول صغير تلقاه ما فاهم العدد

احمد محمد زين 

القصة مو قصة حوار

خمسين حوار عدت مشت

الحال ذي ما كنا قبل زمان

ماشفنا شي غير التعب

بلد الامان اصبح صعب

لا مياه جات للحارة ديك

لا نور فات حي العرب

حالك يحنن يا شعب

كترت حواراتنا

ملينا من فشل

الوعد

ناس بتحكي عن الحوار

هاميها منصب في البلد

حوار في الخرطوم اهو الجديد

الاتولد

حزبين ثلاثة قبل سنين

اليوم احزابنا بلا عدد

ماشفنا شي غير الكلام

جلساتنا حبرا في الورق

الشعب قال يارب مدد

حي يا عليم حي يا كريم

رب العباد ما ينسي حد

شباب يتعلم بكره حكام

في البلد

حي يا كريم شهادات معلقه

في البيوت

لا شفنا بنت زولاً فقير

اتوظفت

ناسا تخربط في البلد

بعد الدغش شوارعنا

تب اتملت

ديل يبحثوا في الرزق

المرأة في صف الرجال

شايلة اكياس الصغار

سمحة تلملم  بالحلال

حي يا عليم تلقاها في

وسط البلد

يطلع يصرح زول صغير

تلقاه ما فاهم العدد

الناس تصفق للخطير

يارب سهل حال البلد

الخرطوم عجت بالشباب

اليوم جالسين في الكنب

حال البلد اصبح خطير

ناس غبش ماليها شي

غير التعب

حواء من قلب الفريق

طلعت تجيب حزمة حطب

حال المداين في البلد

بضغطة زر تشارك الفائدة وتدعم المدونة

شارك

إعجاب

شاركه +

غرد تغريدة

غرد

تدوينات ذات صلة